Butterchicken und Anders

Während s'Butterchicken im Thermomix® für zwänzg Minute fertig garet, chan ich locker de nöchschti Bitrag schriebe. (dänn ich chan voll vertraue das es mir nöd abrännt oder überchochet) Au d'Chuchi ufrume isch natürlich i derä Zit möglich, dänn für's rüehre bruchts mich nöd. So wett ich die Glägeheit nutze dir z'erkläre was min Chuchihälfer Thermi vorher im Rezept scho alles für mich gschaffet hätt. z.B: Kokosfett erhitzt; Zwieble, Ingwer u.s.w. ghacket und das dänn adämpft; mit de feine Gwürz dänn adünstet; mit Flüssigkeit ufkochet; und s'Poulet am Schluss mitkochet; natürlich han ich wie immer alli Zuetate grad chönne direkt am Thermi abwäge; alles mit eim Grät!

Ich han Rucola und mach doch en feine Rucula-Tomaten-Dip als Ufstrich (Frischchäs und getr. Tomate im Öl sind immer vorrätig) de isch in 10 Minute gmacht; hacke und rüehre - fertig; alles mit eim Grät!

Ich han für Donut-Deko mit em Thermi Schoggi gschmelzt! Natürlich sind Donut's au sälber gmacht; schäumig rüehre; vermische; alles mit eim Grät!

Wie all Samschtig wird en Bernerzopf für de Sunntig zuebereitet; wäge; mische; rüehre; knäte; alles mit ein Grät!