Linzertorte die liebet eifach Alli
- Linzertorte: Han ich doch "früehner" vor em Thermomix® nie gmacht!!! Debi isch das so easy eifach: de Teig isch mit frisch, sälber gmahlne Mandle einszwei gmacht. Uswalle, Konfi dri, dekoriere und fertig! De "muess" ich immer überall mit bringe, de wird vo allne so heiss gliebt, und alles gaht mit eim Grät...
- Lauch-Penne-Pot: Für die spontani Verarbeitig vom letschtä Winterlauch git mir Cookidoo u.a. en Lauch-Penne-Pot als Vorschlag. Da ich über alli Zuetate plusminus verfüege isch das mini Wahl. Im Onepot werdet Teigware grad mit allne Zuetate zäme chochet. Und wer's nöd glaubt das es funktioniert söll's sälber usprobiere, es gaht alles mit ein Grät!
- Zitrone-Salz-Paste: Im obige Rezäpt bruchts Zitroneschale und wie fascht überall Salz. Wie guet han ich chürzlich us Grund vo villne Zitrone e Zitrone-Salz-Paste gmacht, die chan ich wunderbar verwände ohni e frischi Zitrone azbruche.
- Rüebli-Quark-Ufstrich: En offne Quark isch zbruche und ich wett no Gmües dezue verwände. Rüebli hätts immer...tataaaa! Isch mega fein gsi passt zu: Gschwellti Härdöpfel, Salat oder Fleisch, zügig gmacht mit eim Grät...
- Mayonnaise: Mayonnaise "emulgiere" mach immer ganz sponti wänn scho fascht alli am Tisch sitzet: "Hätts kei Mayo?" Sie isch ja so schnäll gmacht: Öl abwäge, Ei-Salz-Pfäffer-Essig dri und emulgiere, voilà!! Ich han sit 2016 kei Tube Fertigmayonnaise meh kauft, lueg mal was es det alles dine hätt! Alles mit eim Grät...
- Spargelquiche: Ich bin die einzig vo öisere Familie wo Spargel isst. Ich warte gern bis im Mai, dänn gits de iheimisch Spargel. De Spargelquiche chan ich nur empfehle. Natürlich isch au de Quicheteig frisch und sälber gmacht. Es isch eifach hammerfein gsi, und alles für mich allei und alles mit eim Grät...
- Pizzateig: Natürlich hät au i derä Wuche e Pizza müesse uf de Tisch, wells eifach so locker gaht! Alles mit eim Grät...au d'Tomatesauce!